कंचन विद्या मन्दिरमा जितेर छोड्छौं – क्रान्तिकारी

प्रदेश नम्बर ७, महाकाली अञ्चल बैतडी जिल्लामा जन्मनु भएका निरज राज कपाडी (भट्ट) कक्षा आठ देखिनै अखिल नेपाल राष्ट्रिय स्वतन्त्र विद्यार्थी युनियन ( क्रान्तिकारी ) मा आवद्ध भएका थिए । उनी सानै उमेर देखि अरुलाई सहयोग गर्न, सामाजिक क्रिर्याकलापमा भागलिने आत्मीय र दयालु स्वभावका युवा पुस्तामा चिरपरिचित छन । कपाडी बैतडीमा जन्मेका भएपनि बसोबासका हिसावले कंचनपर जिल्ला सदरमुकाम महेन्द्रनगर जानकी टोल निवासि हुन । कपाडी  कंचन विद्या मन्दिर अखिल क्रान्तिकारी इकाई कमिटी अध्यक्ष हुदै स्नात्तक तह चौथो बर्षमा अध्ययनरत छन । उनको लगाव र इमान्दारीका कारण स्नात्तक तहमापनि अध्यक्षको जिम्मेवारी सम्हालिरहेका छन ।  उनी कंचनपुर जिल्ला अखिल क्रान्तिकारी सचिवालय सदस्यपनि हुन । यहि फागुन १४ मा हुन लागेको स्वतन्त्र विद्यार्थी युनियको चुनावमा माओवादी निकट भातृ संगठन अखिल नेपाल राष्ट्रिय स्वतन्त्र विद्यार्थी युनियन (क्रान्तिकारी ) बाट सचिव पदमा उमेदवारी दत्र्ता गराइ क्रान्किारीको प्यानल सहित जित्ने दाबी गरेका कपाडी (भट्ट)संग टपलाईन खबरका लागि प्रदीप भट्टले गरेको कुराकानी –

– स्ववियु निर्वाचनको माहोल कस्तो बन्दै गइरहेको छ ?
अव चाहिँ स्ववियु निर्वाचन हुन्छ भन्नेमा विश्वास गर्ने आधार सिर्जना भएको छ । हिजोको दिनमा निर्वाचन होला कि नहोला भनेर शंका गर्ने ठाउँहरु प्रशस्तै थिए । विभिन्न विद्यार्थी संघ संगठनले आफ्ना मागहरु राख्दै निर्वाचन भाँड्न खोजिरहेका थिए । त्यो असहज वातावरण अन्त्य भएको छ भने यही १८ गते बुधबार निर्वाचन हुने पक्का पक्की जस्तै भएको छ ।

अखिल क्रान्तिकारीको अवस्था कस्तो  ?

अखिल क्रान्तिकारीको अवस्था अहिले निकै बलियो बन्दै गइरहेको छ । हामी धेरै ठाउँमा निर्वाचन जित्छौं त्यो अनुसार गृहकार्य भइरहेको छ । हिजोको दिनमा पनि हामी पूर्ण रुपमा तयारीमा थियौं । निर्वाचन हुन सकेन हामीलाई दुःख लागेको छ । अरु विद्यार्थी संगठनलाई हामीलाई आरोप लगाएर आफूहरु पन्छिन खोजे त्यसमा मेरो आपत्ति छ । हामीले कहिले पनि परिणामलाई पूर्व अनुमान लगाएर निर्वाचन भाँड्ने प्रयास गरेनौ । हाम्रो पार्टी नेकपा माओवादी केन्द्रले देशको राजनीतिमा खेलेको भूमिका पनि अहिले अत्यन्त सकारात्मक छ त्यसो हुँदा पनि हामीप्रति विद्यार्थीको सद्भाव रहनेछ भन्ने विश्वास लागेको छ । हिजो संविधानसभामा पहिलो पार्टी हुँदा माओवादीले जेजति गरेको छ त्यो पनि अझै स्मरणयोग्य नै छ । आज संविधानसभामा तेश्रो पार्टी बन्दा पनि हामीले कुनै मोलमोलाई नगरीकन राष्ट्रिय राजनीतिलाई सहज रुपमा स्वीकार्ने बचनबद्धता व्यक्त ग¥यौं । माओवादीले देशमा अस्थिरता मच्चाउँदै आयो भन्ने आरोप पनि सहेका हौं । जसले जे भनेपनि माओवादी केन्द्र जनताको पार्टी हो र त्यसको विद्यार्थी संगठन हामी अखिल क्रान्तिकारी कहिले पनि र काहिँ पनि भागेर वा लुकेर जनतालाई दुःख दिएर राजनीति गर्नुपर्छ भन्ने पक्षमा छैनौं ।

कंचन विद्या कलेजमा जित्ने आधार के छ ?

स्वतन्त्र विद्याथी युनियन भनेको विद्यार्थीको साझा संस्था हो । यसमा भोट दिने व्यक्तिहरु चानचुने सोच भएका हुँदैनन् । कसैको करकाप र धम्कीले विद्यार्थीहरुको मत दायाँबायाँ गर्न सकिँदैन । यदी कसैले यस्तो सोचेको छ भने त्यसको सपना मात्र हुनेछ । हामी विद्यार्थीमाझ आफ्ना कुराहरु प्रष्ट रुपमा राखेर जान्छौं । जे गर्न सकिन्छ त्यो भन्छौं नचाहिँदा आश्वासन देखाएर विद्यार्थीको मत लिने हाम्रो प्रयास रहनेछैन र त्यसो गर्नु आवश्यकता पनि छैन । हामीले कंचन विद्या  क्याम्पसमा विद्यार्थीका हकहितका पक्षमा गरेका कामहरु शैक्षिक र प्राज्ञिक आन्दोलनका कुराहरु विद्यार्थीलाई अनुशासन बनाउने कुराहरु र समग्र राजनीतिमा क्रान्तिकारीले खेलेको भूमिका नै हाम्रा जितका आधार हुन् । हामी काम गर्छौ तर अरु जस्तो सस्तो प्रचार गरेर जान सक्दैनौ । यो हाम्रो कमजोरी हो । यो बेलामा यही हाम्रो कमजोरीलाई आधार बनाएर अरु संघ संगठनले हामी विरुद्ध गलत भ्रमहरु पनि फैलाउन खोजेका छन् । निर्वाचनको परिणाम आएपछि ती सबै भ्रमहरु चिरिन्छन् र अखिल क्रान्तिकारीले कंचन विद्या क्याम्पसलाई एउटा नयाँ सोचका साथ अघि बढाउने योजना बनाएको छ ।

उम्मेदवारी छनौटमा केही समस्या भयो कि ?
हामी सर्वसम्मत रुपमा उम्मेदवार छान्ने प्रयासमा थियौं र त्यो सफल पनि भएको छ । सबैभन्दा पहिले नै हामीले क्याम्पसमा कमाण्डर तोक्यौं र अरु संगठनभन्दा पहिले नै सबैजसो क्याम्पसमा सभापतिको उम्मेदवार छान्यौं । यो जुन गतिले अघि बढीरहेका छौं त्यो पनि एउटा राम्रो पाटो हो । नेपाल विद्यार्थी संघ र अनेरास्ववियुले अहिलेसम्म पनि आफ्नो प्रष्ट मार्गचित्र तयार गर्न सकेका छैनन् । उनीहरुबीच अझै पनि विवाद छ । उम्मेदवार कसलाई बनाउने भन्ने विषयमा ठुलै लडाई चल्न थालेको छ । विद्यार्थीको साझा थलोलाई बदनाम गर्ने काम कतैबाट हुन्छ भने त्यो हामीलाई मान्य हुनेछैन । स्ववियुको अस्तित्वमा नै आँच आउने खालका पनि कतिपय कुराहरु पछिल्लो समयमा आएका छन् । लामो समयदेखि निर्वाचन नभएको हुँदा यो अवसरलाई हामीले लिन सक्नुपर्छ । यदी यो मौका पनि गुमाइयो भने अनन्तकालसम्म निर्वाचन नभएर स्ववियुको अस्तित्व नै रहने कि नरहने भन्ने प्रश्न चिन्ह खडा हुनसक्छ ।

तपाइको योजनाहरु के–के छन् ?
भ्रष्ट प्रशासकलाई क्याम्पसबाट सधैकालागि कानुनबमोजिम कार्वाहि गरि निस्कासन गरिने छ ।
 विद्यार्थी अनुसन्धान केन्द्रको स्थापना गरिने छ ।
 विद्यार्थीलाई रोजगारमूलक शिक्षा दिनकालागि विशेष पहल गरिनेछ ।
 कंचन विद्या क्याम्पसको एउटा कोठादेखि शौचालयसम्म सुधार गर्ने र भौतिक पूर्वाधार विकास, विद्यार्थीहरुको पुस्तकालयदेखि कक्षाकोठासम्म सबै कुराको सुधार गर्ने काम गर्ने योजना सहित अगाडि बढेको छु ।
 छात्रवृत्ति कोष स्थापना गरि जेहेन्दार, गरीब, मधेशी, मुस्लिम, आदिवासी जनजाति, छात्रा तथा दुर्गम क्षेत्रका विद्यार्थीहरुमध्ये क्रमशः प्रथम, दोश्रो, तेश्रो र चौथो बर्षमा अध्ययनरत विद्यार्थीहरुलाई आंशिक छात्रवृत्ति प्रदान गरिनेछ ।
 सबै शंकाय र विषयका पुस्तकहरु तथा नोटहरु पाइने लाइब्रेरी र इलाइब्रेरीको व्यवस्था गरिनेछ ।
 विद्यार्थीको अनुपातमा प्रशस्तै मात्रामा प्राध्यापकको व्यवस्थापन गरिनेछ ।

अखिल क्रान्तिकारीले ल्याएको २८ बर्षे उमेर हदबन्दी मिश्रीत प्रणालि तपाईलाई कस्तो लाग्छ ?
अखिल क्रान्तिकारीले ल्याएको २८ बर्षे उमेर हदबन्दी र मिश्रीत प्रणलि एकदम स्वागत योग्य छ । यो स्वगत योग्य मात्र नभई वैज्ञानिक पनि छ । विद्यार्थीको नेतृत्व विद्यार्थी स्वयमले गर्नु पर्दछ । यो निर्णयले विद्यार्थी राजनीतिमा देखिएको अवरोध हट्ने छ । समयमै निर्वाचन हुनेछ । विद्यार्थीका समस्या विद्यार्थीले नै बुझनेभएकाले नियमित विद्यार्थी भित्रकै नेतृत्व आजको आवश्यकता हो ।

२८ बर्ष लागुहुनु हुदैन भन्ने एक थरिको भनाई छनि यो के हो फेरी ?
साँच्चिकै एक समुह पिडित छ । २८ बर्ष लागुहुनु हुदैन भनेर उपत्यकाका विभिन्न क्याम्पसहरुमा तालाबन्दी गरिराखेको छ । यो संगठनको तालाबन्दी नभई एक समुहको तालाबन्दी हो । यसले केहि असर पादैन । संगठनको निर्णय सबैले स्विकार गर्नु पर्दछ ।

त्यसो भए क्रान्तिकारी  जित्छ भन्नेमा ढुक्क हुनुहुन्छ ?

म एकदम विश्वस्त छु । क्रान्तिकारी त्याग र बलिदान बाट जन्मेको संगठन हो । हामि हावादारी खोक्रा गफ भन्दा काममा विश्वास गछौं । एमालेको मौसमि राष्ट्रवाद जस्तो होईन, यो बझ्न जरुरि छ  । जस्को निती उसको नेतृत्व भएकाले यस पटक हामी जित्नेमा ढुक्क छौं ।

 

Leave a Reply

Your email address will not be published. Required fields are marked *