यो शहरमा गाली नै गाली

यो शहरमा गाली नै गाली भो अचेल

बिना मेसोको ताली नै ताली भो अचेल

जसले जे गरे पनि मौन छ सरकार
गरिब जनता खालि नै खालि भो अचेल

पिचै पिच बनेको थियो सहरमा सडक
सडक बीचमा नालिनै नाली भो अचेल

कहिल्यै नमस्ते नगर्नेले गर्यो आज
एक भोटले मालिक नै मालिक भो अचेल

यो देशले जन्मायो वीर सपुतहरू
मरे जतिको शालिक नै शालिक भो अचेल ।

तुलेन्द्र पुन मगर

Leave a Reply

Your email address will not be published. Required fields are marked *