नेकपाले गर्यो बेइजिङ सम्झौताको स्वागत

काठमाडौं– नेपाल कम्युनिष्ट पार्टीले प्रधानमन्त्री केपी शर्मा ओलीको चीन भ्रमणका क्रममा भएका पूर्वाधार निर्माण सम्बन्धि सम्झौताको स्वागत गरेको छ । विहिबार साँझ पेरिसडाँडामा बसेको नेकपाको सचिवालय बैठकले प्रधानमन्त्रीको चीन भ्रमणका क्रममा नेपालको रेल विस्तार लगायत पूर्वाधार विकासमा दुईपक्षीय सम्झौता हुनु सुःखद भएको भन्दै त्यसलाई स्वागत गरेको हो ।

पार्टी कार्यवहाक अध्यक्ष माधवकुमार नेपालले प्रधानमन्त्रीको चीन भ्रमणमा भएका सहमति सम्झौताबारे बैठकलाई जानकारी गराउनुको साथै समसामयिक विषयमा छलफल भएको प्रवक्ता नारायणकाजी श्रेष्ठले जानकारी दिए ।

चीन भमणका क्रममा प्रधानमन्त्री ओली र चिनियाँ समकक्षी ली खस्याङबीच बिहीबार केरुङ हुँदै काठमाडौं आउने इलेक्ट्रिक कार्गो रेल सञ्चालन लगायत विषयमा १० बुँदे सहमति र ४ बुँदे समझदारी भएको छ ।

Leave a Reply

Your email address will not be published. Required fields are marked *