आज सूर्यग्रहण , ध्यान दिनुस् यी कुरामा

काठमाडौं । आज यो वर्षको पहिलो सूर्य ग्रहण लागेको छ । बिहान करिब साढे सात बजेबाट सुरु भएको सूर्यग्रहण बिहान करिब १० बजे सकिने छ ।

यो सूर्य ग्रहण अष्ट्रेलिया, मेलवर्न, अन्टार्कटिका र अष्ट्रियाको उत्तर क्षेत्र लगायतका बिश्वका विभिन्न स्थानबाट अवलोकन गर्न सकिन्छ । नेपाल र भारतबाट भने यो सूर्यग्रहण देख्न नसकिने खगोलशास्त्रीहरु बताउँछन् ।

यो वर्षको दोस्रो सूर्यग्रहण अगस्ट ११ अर्थात् साउन २६ गते परेको छ । उक्त सूर्यग्रहण पनि नेपाल र भारतबाट देख्न सकिने छैन । त्यसलाई चीन, तिब्बत, नर्वे, मंगोलिया लगायतका स्थानबाट हेर्न सकिन्छ ।

यसअघि गत वर्ष माघमा पनि सूर्यग्रहण लागेको थियो ।

सूर्यग्रहणको बेला ध्यान दिनुपर्ने कुरा

सूर्यग्रहणको बेला कुनै पनि नयाँ कार्यको सुरुआत गर्न नहुने ज्योतिषीहरु बताउँछन् । साथै ग्रहण अवधिभर खाना बनाउन, खान र सुत्न पनि बर्जित मानिन्छ ।

ग्रहणलाई नांगो आँखाले हेर्न हुँदैन । ग्रहणको बेला गर्भवतीहरुले विशेष ध्यान पुर्‍याउनुपर्ने जानकारहरु बताउँछन् । सूर्य ग्रहणको बेला वातावरणमा नकारात्मक ऊर्जा फैलिने र त्यसले गर्भमा रहेको बच्चालाई असर गर्ने बताइन्छ ।

Leave a Reply

Your email address will not be published. Required fields are marked *